प्रस्तावना

विकिपुस्तकानि तः
Jump to navigation Jump to search

भेत्ता हि भेद्यम् अन्यथा भिनत्ति
इति चरकवचनं प्रसिद्धम्।भेत्ता स्वप्रयोजनानुसारं पदार्थभेदान् कल्पयति। तथा सर्वशास्त्रेषु अनुमन्यते अपि।तेन एकस्य एव पदार्थस्य भेदकोपाधिम् अनुसृत्य नाना भेदा: सम्भवन्ति।अध्येयविषयस्य कति भेदा: कथं सम्भवन्ति इति जिज्ञासा यदि भवति तर्हि तस्या: पूर्त्यर्थं पदार्थभेदानां सङ्कलनम् आवश्यकम्।एतत् सङ्कलनम् एव अस्य पुस्तकस्य विषय:
एतादृशी जिज्ञासा यस्य अस्ति स: अधिकारी। अनेन सङ्कलनेन सर्वेषाम् आयुर्वेदपदार्थानाम् अल्पश्रमेण अल्पकालेन च ज्ञानं तस्य जिज्ञासो: भविष्यति। एतदेव अस्य पुस्तकस्य प्रयोजनम्
वस्तुत: सर्वेषाम् आयुर्वेदग्रन्थानाम् आलोडनं कृत्वा तादृश: वृहत्कोश: निर्मातव्य:।परं ‘बिन्दुश: पूर्यते सिन्धु:’ इति न्यायेन अस्मिन् पुस्तके अष्टाङ्गहृदये सूत्रस्थाने विद्यमानानाम् एव पदार्थभेदानां कोश: उररीक्रियते।

अष्टाङ्गहृदये सूत्रस्थाने पदार्थभेदकोश: अकारादिक्रमेण पदार्थभेदकोश: पाठक्रमेण पदार्थभेदकोश:
"https://sa.wikibooks.org/w/index.php?title=प्रस्तावना&oldid=5445" इत्यस्माद् पुनः प्राप्तिः