माध्वमतेन ईश्वरसेवां .....।
माध्वमतेन ईश्वरसेवां स्पष्टीकुरुत।
माध्वमते जीवः सेवकः, ईश्वरः सेव्यः।जीवेन ईश्वरसेवा मुक्त्यर्थं करणीया।सा सेवा त्रिविधा अङ्कनं नामकरणं भजनं च।
१ अङ्कनसेवा
नारायणस्य आयुधानां देहे तप्तमुद्रया मुद्रणम् अङ्कनम्।सुदर्शनचक्रस्य तथा शङ्खस्य धारणं विष्णुभक्तैः करणीयम्।तेन सततं नारायणस्य स्मरणं भवति, प्रपञ्चे इष्टार्थसिद्धिः च भवति।
२ नामकरणसेवा
पुत्रादीनां नामकरणं केशवः नारायणः इत्यादिकं करणीयम्।तेन सततं विष्णुस्मरणं भवति, मुखेन विष्णुनामोच्चारः च भवति।
३ भजनसेवा
एषा दशविधा वर्तते -
अ वाचा सेवा – सत्यवचनं, प्रियवचनं, हितवचनं स्वाध्यायः इति चतुर्विधा सेवा।
आ कायेन सेवा- दानं, परित्राणं, परिरक्षणम् इति त्रिविधा सेवा।
इ मनसा सेवा- दया स्पृहा, श्रद्धा इति त्रिविधा सेवा।
सर्वदर्शनसङ्ग्रह-प्रश्नोत्तराणि सर्वदर्शनसङ्र्लहे माध्वमतम्