१९ स्थित्वा तस्मिन्...

स्थित्वा तस्मिन् वनचरवधूभुक्तकुञ्जे मुहूर्तं तोयोत्सर्गद्रुततरगतिस्तत्परं वर्त्म तीर्णः।
रेवां द्रक्ष्यत्युपलविषमे विन्ध्यपादे विशीर्णां भक्तिच्छेदैरिव विरचितां भूतिमङ्गे गजस्य ॥

अन्वयः- वनचरवधूभुक्तकुञ्जे तस्मिन् मुहूर्तं स्थित्वा तोयोत्सर्गद्रुततरगतिः तत्परं वर्त्म तीर्णः।उपलविषमे विन्ध्यपादे विशीर्णां रेवां गजस्य अङ्गे विरचितां भक्तिच्छेदैः भूतिम् इव द्रक्ष्यति ॥